Бөлүмдөр
Шейшемби, 22-октябрь
Талас облусу, Талас 02.10.2019 14:34

Айыл турмушу: Таластык Д.Бектурганов керме шыптарды жасап, айына 30 миң сомго чейин таап жатат (сүрөт)

Turmush -  Талас шаарынын 30 жаштагы тургуну Дуулат Бектурганов заманбап керме шыптарды жасап киреше таап жатат. Аймактык кабарчы аны менен таанышты.

Өзүнүн айтымында, устачылыкты өз алдынча үйрөнгөн.

«Өзүм устачылыкка кызыгам. Бир нерсени кураштырып чыкканды жакшы көрөм. Акыркы убакта эл ичинде кеңири тараган керме шыптарды жасап жатам. Бул жумуш мен үчүн аябай кызыктуу. Күнүгө жаңы адамдар менен таанышып, элдин ыраазычылыгын алып, кубанычына ортоктош болуп жүргөн жумушума болгон кызыгуумду күчөтүп турат.

Бул ишти баштарда эч кимден деле сабак алып үйрөнгөн жокмун. Өзүмдүн кызыгуумдан улам эле интернеттин жардамы менен өздөштүрүп алдым десем болот. Алгач иштеп баштаганда бир үйгө керме шып орнотуп берүү үчүн баргам. Барганда эле үйдүн керме шыбын айрып алгам. Эмне кыларымды билбей, аябай уялгам. Үй ээлерине айтсам менин абалымды түшүнүп, ошол жерин кайра оңдотуп, аракет кылып жакшы дизайн менен бүтүрүп бергем.

Азыркы учурда буйрутмалардын саны көбөйүүдө. Күнүнө 2 кардардын көңүлүн таап жатабыз десем болот. Бир эле Талас ичинде эмес, Бишкек шаарынан, Жалал-Абал облусунан да буйрутма түшүп, жасап келдик. Бул тармакта кирешени иштегениңе жараша табасың. Бир айда болжол менен 30 миң сомдон ашуун акча таап жатабыз», - деди ал.

Дуулат уста үй-бүлөдө 2 уул, 1 кыздын атасы. Учурда төртүнчү наристесин күтүп жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×