Бөлүмдөр
Шаршемби, 19-декабрь
Талас облусу, Талас 28.06.2018 12:46

Жаш талант: Таластык 16 жаштагы Адилбек футбол, чуркоо жана күрөштөн ийгиликтерди жаратууда (фото)

Turmush -  Талас шаарынын 16 жаштагы тургуну Адилбек Сурабалдиев футбол боюнча Талас облусунун курама командасында ойноп келет. Аймактык кабарчы футболчу жигиттен кабар алды.

Өзүнүн айтымында, учурда Талас облустук чет тилдер багытындыгы лицей-комплексинде окуйт.

«Атам футболчу болгондуктан кичине кезимден баштап спортко жакын болдум. Тагыраагы кичине кезимде эле мектеп аянтчасына барып, футбол көп ойночумун. 6 жылдан бери футбол, күрөш, жеңил атлетика менен машыгам. Азыр футбол боюнча Талас облусунун курама командасында ойнойм. Команда менен биз көп ийгиликтерге жетише алдык. 2015-2016-2017-2018-жылдары Кыргызстан республикалык чемпионатында 4 жолу күмүш медаль алдык. Талас облусунун чемпионатында алтын медаль уттук.

Мындан тышкары 100 метр, 800 метр, 1500 метр аралыктарга чуркап, байгелүү орундарга илинип жүрдүм. 2016-2017-жылдары 1500 км жана 800 метр аралыктарга чуркап, 2-3-орундарды багындыргам. Бул жылы республикалык мелдешке жолдомо алып, 3-орунда болуп калдым.

Грек-рим күрөшү боюнча 58 кг салмактагылар арасында Таластын чемпиону болууга жетиштим.
Спортко кызыгуума атам негизги себепкер. Атама жана устаттарыма ыраазычылыгымды билдирем», - деди ал.

Спортчу жигит үй-бүлөдө 4 бир туугандын кенжеси.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×