Бөлүмдөр
Шаршемби, 19-декабрь
Талас облусу, Талас 02.06.2018 11:45

Таластагы, Чүйдөгү жана Оштогу тартип сакчылары балдарга белектерди тапшырышты (фото)

Turmush -  Кечээ, 1-июнь — Балдарды коргоо күнүнө карата Талас облусунун Жол кыймылынын коопсуздугун көзөмөлдөө бөлүмүнүн кызматкерлери Талас районунун Көк-Ой айылындагы майып балдардын борборуна барып, азык-түлүк тапшырышты. Бул тууралуу бөлүмдүн инспектору Сабит Оморов билдирди.

«Ал күнү жол-транспорт кырсыктарын алдын алуу жана болтурбоо максатында күчөтүлгөн тартипте кызмат кылдык», - деди ал.

Ош облусунда жол кыймылынын сакчылары балдар үчүн салтанат уюштуруп, ар кандай оюн-зоокторду өткөрүштү. Жеңүүчү балдарга ар кандай белектер тапшырылды. Иш-чарага Ош облусунун мектептеринин башталгыч класстарынын окуучулары катышты.

Чүй ОИИБ менен Ысык-Ата РИИБдин кызматкерлери балдардын майрамына карата аларга таттууларды таратышты. Ысык-Ата РИИБдин кызматкерлери Кызыл-Суудагы мектеп-интернатка барып, азык-түлүктөрдү, белектерди тапшырышты. Чүй ОИИБдин өкүлдөрү Чүй мектеп-интернатына барып, азык-түлүктөрдү беришти.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×